ବ୍ରହ୍ମପୁର : (ଅସିତ ପଣ୍ଡା) ଆଜି ବିଶ୍ୱ ପରିବେଶ ଦିବସ । ଏହି ଅବସରରେ ବ୍ରହ୍ମପୁର ସ୍ଥିତ ଡ଼ିଏଭି ପବ୍ଲିକ ସ୍କୁଲ ପରିସରରେ ବିଶ୍ୱ ପରିବେଶ ଦିବସ ପାଳିତ ହୋଇଯାଇଛି। ଏଥିସହ ଏକ ସଚେତନତା କାର୍ଯ୍ୟକ୍ରମ ଆୟୋଜିତ କରାଯାଇ ସମଗ୍ର ବିଶ୍ୱର ପରିବେଶ ସୁରକ୍ଷା ଓ ବିକାଶ ନିମନ୍ତେ ଯଜ୍ଞାନୁଷ୍ଠାନ କରାଯାଇଥିଲା। ପରିବେଶର ସବୁ ଜିମାକୁ ବଜାୟ ରଖିବା ନିମିତ୍ତ ଏକ ପ୍ରତୀକାତ୍ମକ ଚିତ୍ରାଙ୍କନ ରେ ସମସ୍ତ ଶିକ୍ଷକ ଶିକ୍ଷୟିତ୍ରୀ ସୂଚନାତ୍ମକ କଳାକୃତି ପ୍ରସ୍ତୁତ କରିଥିଲେ। ପରେ ବିଦ୍ୟାଳୟ ପରିସରରେ ବୃକ୍ଷ ରୋପଣ କରାଯାଇଥିଲା। ବିଦ୍ୟାଳୟର ଅଧକ୍ଷା ଧରାଶ୍ରୀ ପାଢ଼ୀ ଏହାର ପରିଚାଳନା କରିଥିବା ବେଳେ ସ୍କାଉଟ ମାଷ୍ଟର କେଦାର ନାଥ ମହାପାତ୍ର, ଓ ଗାଇଡ଼ କ୍ୟାପଟେନ ସ୍ବପ୍ନରଣୀ ପାଣିଗ୍ରାହୀ ପରିଚାଳନାରେ ସହଯୋଗ କରିଥିଲେ।
