ଓଡ଼ିଶା

ମହାବାତ୍ୟା ‘ଅମ୍ଫାନ’ ର ପ୍ରଭାବ ରେ ମସ୍ଛଜୀବୀ ମାନଙ୍କୁ ସ୍ଥାନାନ୍ତରିତ କଲା ପ୍ରଶାସନ।

ଟାଙ୍ଗି : (ସନ୍ତୋଷ ଚୌଧୁରୀ) ବଙ୍ଗୋପସାଗର ମଧ୍ୟରେ ମହାବାତ୍ୟା ର ରୂପନେଲା ‘ଅମ୍ଫାନ’ ।ଏହା ଅଧିକରୁ ଅଧିକ ଶକ୍ତିଶାଳୀ ହୋଇ ଗତି କରିବାରେ ଲାଗିଛି। ସ୍ଥଳଭାଗ ଛୁଇଁଲା ବେଳକୁ ଏହା ଏକ୍ସଟ୍ରିମଲି ସିିଭିୟର ସାଇକ୍ଲୋନିକ ଷ୍ଟର୍ମର ରୂପ ନେଇ ସାରିଥିବ ବୋଲି ଭାରତୀୟ  ପାଣିପାଗ  ବିଭାଗ ପକ୍ଷରୁ ସୂଚନା।ଏହାର ପ୍ରଭାବ ବର୍ତ୍ତମାନ ଚିଲିକା ଉପକୂଳ ବର୍ତ୍ତି ଅଞ୍ଚଳରେ ଦେଖିବକୁ ମିଳିଛି।ଏହାକୁ ନେଇ ଚିଲିକା ପ୍ରଶାସନ ପକ୍ଷରୁ ଡାକବାଦୀ ଯନ୍ତ୍ର ସାହାଯ୍ୟରେ ଚିଲିକା ଉପକୂଳବର୍ତ୍ତୀ ଅଞ୍ଚଳରେ ସୂଚନା ଦିଆଯାଇଥିଲା । ଚିଲିକା ହ୍ରଦକୁ ମାଛଧରିବା ପାଇଁ ଚିଲିକା ଯିବା ଉପରେ ରୋକ ଲଗାଇଛି ପ୍ରଶାସନ । ସୁରକ୍ଷିତ ସ୍ଥାନକୁ ଯିବା ପାଇଁ ପ୍ରସ୍ତୁତ ହୁଅନ୍ତୁ ବୋଲି ମସ୍ଛଜୀବୀଙ୍କୁ ଅବଗତ କରାଇଥିଲେ ଚିଲିକା ତହସିଲଦାର ପୁନମ୍ ମହାପାତ୍ର । ଖୋର୍ଦ୍ଧା ଜିଲ୍ଲାର ବାଲୁଗାଁ , ବଡକୂଳ , ଚନ୍ଦ୍ରାପୁଟ , କାଳୁପଡାଘାଟ , ସୋରଣ , ନଈରୀ ଇତ୍ୟାଦି ଗାଁରେ ପବନର ବେଗ ବଢୁଥିବା ବେଳେ ବର୍ଷ ମଧ୍ୟ ଜାରି ରହିଛି।ଏହାକୁ ଦୃଷ୍ଟିରେ ରଖି ଚିଲିକା ତହସିଲଦାର ଓ ଅନ୍ୟ ପ୍ରଶାସନିକ ଅଧିକାରୀ ମାନେ ଚିଲିକା ଉପକୂଳବର୍ତ୍ତି ଲୋକମାନଙ୍କୁ ସୁରକ୍ଷିତ ସ୍ଥାନକୁ ସ୍ଥାନତାରିତ କରିଛନ୍ତି ।