ରାୟଗଡ: ବନ୍ଦ ହେଲା ସାପ୍ତାହିକ ହାଟ। ଜିଲ୍ଲାରେ କରୋନା ସ୍ଥିତିକୁ ଆଖି ଆଗରେ ରଖି ନାରାୟଣପୁର ହାଟକୁ ଅନିର୍ଦ୍ଦିଷ୍ଟ କାଳ ପାଇଁ ବନ୍ଦ ନିଷ୍ପତ୍ତି ନେଇଛନ୍ତି ସରପଞ୍ଚ। ଅଞ୍ଚଳର ଏକ ମାତ୍ର ନିର୍ଭରଶୀଳ ସାପ୍ତାହିକ ହାଟ, ଯେଉଁଠି ନିଜର ବିଭିନ୍ନ ଉତ୍ପାଦନ ହେଉ ଅବା ଜଂଗଲ ଜାତ ଦ୍ରବ୍ୟର କିଣାବିକା ହୋଇଥାଏ। ସପ୍ତାହର ଆବଶ୍ୟକୀୟ ସାମଗ୍ରୀ ହାତ ପାହାନ୍ତରେ ସୁଲଭ ମୂଲ୍ୟରେ ପାଇଥାନ୍ତି ଲୋକେ। ତେବେ ସଂକ୍ରମଣକୁ ପ୍ରତିରୋଧ କରିବାକୁ ଏହି ପଦକ୍ଷେପ ନିଆଯାଇଛି। ସ୍ଥିତିରେ ସୁଧାର ଆସିବା ପର୍ଯ୍ୟନ୍ତ ଅନିର୍ଦ୍ଦିଷ୍ଟ କାଳ ପାଇଁ ଏକ ବିଜ୍ଞପ୍ତି ମାଧ୍ୟମରେ ଘୋଷଣା କରିଛନ୍ତି ସରପଞ୍ଚ। ସରପଞ୍ଚଙ୍କ ଏହି ନିଷ୍ପତ୍ତିକୁ ବିଭିନ୍ନ ମହଲରେ ସ୍ୱାଗତ କରାଯାଇଛି।
