ଓଡ଼ିଶା

20 ଲକ୍ଷରୁ ଊର୍ଧ୍ୱ ଟଙ୍କାର ଗଞ୍ଜେଇ ସହ ଟ୍ରାକ୍ଟର ଜବତ କଲା ବାଲିଗୁଡା ପୋଲିସ

ବାଲିଗୁଡା :  ବାଲିଗୁଡା ଥାନା  ପୋଲିସ ଜବତ କରିଛି  ୩୮୩କେଜି ୫୫୦ଗ୍ରାମ ଗଞ୍ଜେଇ ସହିତ  ଟ୍ରାକ୍ଟର ।ଏହାର ଆନୁମାନିକ ମୂଲ୍ୟ ୨୦ ଲକ୍ଷରୁ ଉର୍ଦ୍ଧ  ହେବ ବୋଲି ଜଣା ପଡିଛି ।ସୂଚନା  ପ୍ରକାରେ ବାଲିଗୁଡା ପୋଲିସ ଟିମ ପେଟ୍ରୋଲିଂ କରୁଥିବା ବେଳେ ରାତ୍ର ପ୍ରାୟ ତିନି ଘଂଟିକା  ସମୟରେ ମହାସିଂଙ୍ଗ ପୁରୁଣା ସାହି ଦେଇ ବଗାଡ ଆଡୁ ଏକ ଟ୍ରାକ୍ଟର ନଂ OD12A3434 ଟ୍ରାକ୍ଟରରେ ପଲିଥିନି ଢାଙ୍କି  ଗଞ୍ଜେଇ ଭର୍ତି ବସ୍ତା କରି ନେଉଥିବା ବେଳେ ପୋଲିସ ହାବୁଡରେ ପଡିଥିଲା ।ପୋଲିସକୁ ଦେଖି ଟାକ୍ଟରକୁ ଦୃତ ଗତିରେ ନୂଆଁଗା ଅଭିମୁଖେ ପଳାଉଥିବା ବେଳେ ପଥପ୍ରାନ୍ତ ସେବା କେନ୍ଦ୍ର ନିକଟରୁ ଗାଡିକୁ ଗୋଡାଇ ପୋଲିସ ଧରିବାରେ ସଫଳ ହୋଇଥିଲା  ।ଏଥିରେ ୧୫ଗୋଟି ଗଞ୍ଜେଇ  ବସ୍ତା ଜବତ କରିଥିଲା ପୋଲିସ ।ଏହି ମାମଲାରେ ସଞ୍ଜିବ ଖଟୁଆକୁ ଗିରାଫ କରି ଆଜି କୋର୍ଟ ଚାଲଣ କରାଯିବ ବୋଲି ଏସଡିପିଓ ମାନସ ରଞ୍ଜନ ବାରିକ କହିଛନ୍ତି ।ଏହି ଚଢାଉରେ ବାଲିଗୁଡା ଆଇଆଇସି ପ୍ରଶାନ୍ତ ବେହେରା ଓ ଡିଏସପି ମନୋଜ କୁମାର ପୂଜାରି ତଦନ୍ତ କରୁଥିବା ଜଣା ପଡିଛି । ଗିରଫ ଟ୍ରାକଟର ଡ୍ରାଇଭର  ଘର ମହାସିଂଙ୍ଗ ପୁରୁଣା ସାହି ବୋଲି ଜଣା ପଡିଛି ।ଏହି କେସର ମାଷ୍ଟର ମାଇଣ୍ଡ କୁ ଧରିବାକୁ ଜାଲ ବିଛାଇଥିବା ବାଲିଗୁଡା  ପୋଲିସ କହିଛି । କନ୍ଧମାଳ ଜିଲ୍ଲାରେ ଏତେ ମାତ୍ରାରେ ଗଞ୍ଜେଇ ଜବତ ହେବା ଏହା ପ୍ରଥମ କେସ ବୋଲି ଜଣା ପଡିଛି I