ଓଡ଼ିଶା

ବଡ଼ଆଖଡା ମଠ ଉଚ୍ଛେଦ ସାମୟିକ ସ୍ଥଗିତ

ପୁରୀ : ଶ୍ରୀମନ୍ଦିର ସୁରକ୍ଷା ଏବଂ ପୁରୀର ବିକାଶ ପାଇଁ ପ୍ରଶାସନ ପକ୍ଷରୁ ଚାଲିଥିବା ଉଚ୍ଛେଦ ପ୍ରକ୍ରିୟାରେ ଲାଗିଛି ବ୍ରେକ୍ କ୍ଷତିଗ୍ରସ୍ତଙ୍କ ଲାଗି ସରକାର ଆକର୍ଷଣୀୟ ପ୍ୟାକେଜ ଘୋଷଣା କରିଛନ୍ତି ଏହା ସେମାନଙ୍କୁ ସନ୍ତୁଷ୍ଟ କରିପାରିନି ବରଂ ସେମାନଙ୍କ ପ୍ରତିବାଦକୁ ଆହୁରି ଶାଣିତ କରିଛି ସବୁଠୁ ବଡ଼ କଥା ହେଉଛି ଏହି ପ୍ରତିବାଦର ସ୍ବର ଆଉ ପୁରୀ କିମ୍ବା ଓଡ଼ିଶା ଭିତରେ ସୀମିତ ନାହିଁ, ଅନ୍ୟ ରାଜ୍ୟକୁ ବି ଛୁଇଁଛି ଭାରତର ବିଭିନ୍ନ ସ୍ଥାନରୁ ଅଖିଳ ଭାରତୀୟ ସନ୍ଥ ସମିତିର ପ୍ରମୁଖ କର୍ମକର୍ତ୍ତା ଶ୍ରୀକ୍ଷେତ୍ରରେ ପହଞ୍ଚତ୍ ମଠ, ମନ୍ଦିରର ସୁରକ୍ଷା ପାଇଁ ଜୀବନ ବାଜି ଲଗାଇବାକୁ ପ୍ରସ୍ତୁତ ହୋଇଯାଇଛନ୍ତି ମଠ, ମନ୍ଦିର ଉଚ୍ଛେଦକୁ ବିରୋଧ କରି ବଡ଼ଦାଣ୍ଡରେ ଗର୍ଜିଛନ୍ତି ସାଧୁସନ୍ଥ ବଡ଼ ଆଖଡା ମଠରେ ମେଳି ବାନ୍ଧି ପ୍ରଶାସନକୁ ମୁକାବିଲା ପାଇଁ ପ୍ରସ୍ତୁତ ହୋଇଛନ୍ତି ଏଭଳି ପ୍ରତିବାଦକୁ ଦେଖି ଝୁଣ୍ଟିଛି ପ୍ରଶାସନ ଫଳରେ ମଙ୍ଗଳବାର ହେବାକୁ ଥିବା ବଡ଼ ଆଖଡା ମଠ ଉଚ୍ଛେଦ କାର୍ଯ୍ୟକୁ ସାମୟିକ ଭାବେ ସ୍ଥଗିତ ରଖାଯାଇଛି / ଦିନ ମଧ୍ୟରେ ଆଲୋଚନା କରାଯାଇ ପଦକ୍ଷେପ ନିଆଯିବ ବୋଲି ଜିଲାପାଳ ସୂଚନା ଦେଇଛନ୍ତି

୨ଦିନ ଉଚ୍ଛେଦ ସ୍ଥଗିତ ରହିବା ପରେ ମଙ୍ଗଳବାର ବଡ଼ ଆଖଡା ମଠ ଭଙ୍ଗାଯିବ ବୋଲି ଜିଲାପାଳ ସୂଚନା ଦେଇଥିଲେ। ତେଣୁ ମଠରେ ଚାଲୁଥିବା ସିଂହଦ୍ୱାର ଥାନା, ଦୋକାନ ଖାଲି କରାଯାଇଥିବା ବେଳେ ମଠ ପରିସର ଘରଗୁଡ଼ିକରୁ ମଧ୍ୟ ଜିନିଷପତ୍ର ଖାଲି କରାଯାଇଥିଲା। ହେଲେ ମଙ୍ଗଳବାର ସକାଳୁ ପ୍ରବଳ ବର୍ଷା ଯୋଗୁ ପ୍ରଶାସନ ଉଚ୍ଛେଦ ପାଇଁ ପ୍ରସ୍ତୁତ ହୋଇ ଥିବାବେଳେ ବଡ଼ ଆଖଡା ମଠ ଭଙ୍ଗାକୁ ବିରୋଧ କରିଥିଲେ ଅଖିଳ ଭାରତୀୟ ସନ୍ଥ ସମିତିର କର୍ମକର୍ତ୍ତା ଏବଂ କ୍ଷତିଗ୍ରସ୍ତ ଦୋକାନୀ। ଦେବୋତ୍ତର କମିଶନ ମଠକୁ ବିପଦସଙ୍କୁଳ ବୋଲି ଘୋଷଣା କରି ଥିବାବେଳେ ପ୍ରଶାସନ ବିପଦସଙ୍କୁଳ ଦର୍ଶାଇ ଭାଙ୍ଗିବାକୁ ଉଦ୍ୟମ କରୁଛି ବୋଲି କହିଥିଲେ। ଏପରି କି ସାଧୁ ସନ୍ଥମାନେ ମଠ ଭିତରେ ଧାରଣା ଦେବା ସହ ଆଗାମୀ କାର୍ଯ୍ୟପନ୍ଥା ନେଇ ଆଲୋଚନା ଜାରି ରଖିଥିଲେ। ଅପରାହ୍ନରେ ପ୍ରଶାସନ ପ୍ରଥମେ ମଠ କୋଠାରେ ଥିବା ଦୋକାନ ଘର ଭାଙ୍ଗିବାକୁ ପ୍ରସ୍ତୁତ ହୋଇଥିଲା। ପ୍ରାୟ ୩୦ ପ୍ଲାଟୁନ ଫୋର୍ସ ମଠକୁ ସମ୍ପୂର୍ଣ୍ଣ କର୍ଡନ କରି ଦେଇଥିଲେ। ମଠରୁ ଦୋକାନ ଘର ଭାଙ୍ଗିବା ପାଇଁ ଜେସିବି ଉଦ୍ୟମ କରୁଥିବା ବେଳେ ସାଧୁ ସନ୍ଥମାନେ ଗର୍ଜି ଉଠିଥିଲେ। ସେମାନେ ନାନା ପ୍ରକାର ପ୍ରଶାସନ ବିରୋଧୀ ନାରାବାଜି କରି ଜେସିବି ଆଗକୁ ଚାଲି ଆସିଥିଲେ। ଫଳରେ ଉଚ୍ଛେଦ କାର୍ଯ୍ୟ ଆରମ୍ଭ ହୋଇପାରି ଥିଲା। ଏଭଳି ଅପ୍ରୀତିକର ପରିସ୍ଥିତି ଦେଖି ଉପଜିଲାପାଳ ଭବତାରଣ ସାହୁ ମଠ ମହନ୍ତ ହରିନାରାୟଣ ଦାସଙ୍କୁ ଆଲୋଚନା ପାଇଁ ଜିଲାପାଳଙ୍କ ପାଖକୁ ନେଇଯାଇଥିଲେ। ସେପଟେ ଆଲୋଚନା ଜାରି ରହିଥିବା ବେଳେ ଏପଟେ ସାଧୁସନ୍ଥମାନେ ପ୍ରଶାସନ ବିରୋଧୀ ସ୍ଲୋଗାନ ଦେଇ ମଠ ଉପରେ ଧାରଣାରେ ବସିଥିଲେ